Шарлот Фергусон (лево) работи во компанијата за декорирање на ќерка и` Александра (десно).
Кога работите за детето
Младите американски бизнисмени ги најмуваат оние кои ги извеле на правиот пат.
Иако медиумските наслови деновиве најчесто ги полнат големите корпорации, огромен дел од бизнисите во САД се мали и семејни, во кои децата најчесто ја наследуваат професијата од родителите.
Но, што се случува кога ќе ве вработи – сопственото дете?
Бизнисот на Александра Фергусон цвета. Во 2009-та отворила компанија за
декорирање на ентериери во предградие на Њујорк. Дизајнира перници со фрази како „Мисли глобално“ и „Биди добар, или оди си“.
Шарлот е мајката на Фергусон, вработена во компанијата каде работи 15 до 20 часа неделно. Засега неплатено, но, според Александра, кога би го поделиле имотот, мајка и` би добила голем дел.
„Мошне чудно“, со насмевка одговара Шарлот на прашањето како е да ја има сопствената ќерка за претпоставен.
Како попрактична - според сопствено опишување - Шарлот вели дека таа е онаа која ги врши работите зад сцена. Нуди морална поддршка, онака како што тоа го умеат само мајките, но, од друга страна, без двоумење и` предочува на својата шефица кога здолништето и` е прекусо. Шарлот, едноставно, е среќна кога гледа дека ќерката е во прв план во компанијата.
„Така треба и да биде. Таа е лицето на компанијата. Јас сум задоволна што и` помагам од позадина“, вели Шарлот.
И Кети Вејфорд ја вработила мајка и`, Шила, во својата слаткарница во Канзас Сити. Го делат бизнисот подеднакво, иако идејата била на Кети.
Кети Вејфорд (десно) со мајка и` Шила, пред нивната слаткарница во Канзас Сити.
„Да отпочнете бизнис денеска, тоа во голем дел инволвира технологија“, истакнува Кети.
Технологијата, пак, не е најсилната страна на мајка и`.
„Понекогаш дури забележувам одредена фрустрација во нејзиниот глас, кога не ми оди најдобро со технологијата“, признава Шила.
Па сепак, таа се насочува на своите квалитети. Ќерка и` се согласува. Кети вели додека дека таа самата може да работи на неколку проекти одеднаш, Шила носи поинаков пристап во бизнисот.
„Ги врши работите една по една и ја вложува сета енергија, сите задачи ги завршува како што треба, а нашите муштерии го почитуваат тоа“, коментира Кети.
„Таа учи нови работи за мене, а јас посекако учам нови работи за неа“, ги пренесува импресиите Шила.
Како кога Кети ќе ја потсети дека ако некогаш видливо е раздразнета, тоа е поради самата природа на бизнисот, можеби поради некој деловен партнер, а не поради - мајчинската грижа за неа.
