Фејсбук ќе ги означува кредибилните информации за вакцините против ковид-19

Основачот на Фејсбук Марк Закерберг изјави дека ќе биде означено она што е утврдено како „кредибилна информација“ за вакцинирањето против ковид-19.

Компанијата рече дека до објавите за вакцините ќе додава „кредибилна информација“ од Светската здравствена организација (СЗО).

„Додаваме објаснување на објавите кои зборуваат за безбедноста на вакцините против ковид-19, што укажува дека вакцините против ковид-19 поминуваат тестови за безбедност и ефективност пред да бидат одобрени“, рече Закерберг.

Компанијата рече дека ќе обезбедува и информации за корисниците за тоа како може да се вакцинираат.

Фејсбук беше критикувана дека не успеала да делува против дезинформациите поврзани со вакцините.