Преку три четвртини од Европејците веруваат дека корупцијата е широкораспространета во нивната земја. Можеби и со право - според првиот извештај на Европската унија за корупцијата во рамки на земјите-членки, таа допрела многу делови на секојдневието, од добивањето на владини договори, до финансирањето на политичките партии.
Претставувајќи ги главните наоди на прес-конференција во Брисел, еврокомесарката за домашни работи Сесилија Малмстром кажа дека штетата од корупцијата годишно изнесува преку 120 милијарди евра и дека тоа негативно се одразува на закрепнувањето од економската криза.
„Извештајот јасно покажува дека нивото на корупција варира од една земја-членка до друга, но се одразува на сите. Нема земја каде таа воопшто не е присутна“, рече Малмстром.
Извештајот се базира на претставата за корупцијата и искуството на дел од жителите на ЕУ и тамошните компании. Иако не ги рангира 28-те земји-членки, тој сепак утврдува дека претставата за широкораспространета корупција е најсилна во Грција, Шпанија, Италија и Чешката Република.
Барем еден на секои 12 жители на ЕУ вели дека искусил појава на корупција последниве 12 месеци. 40% од компаниите во ЕУ сметаат дека корупцијата претставува проблем во работењето.
Иако извештајот предлага како земјите да се справат со проблемот, тој не повикува на казни и правни реформи. Па сепак, Малмстром верува дека тој ќе предизвика дискусија и акција меѓу земјите-членки.
„Нормално, потребно е многу повеќе од еден извештај да се искорени корупцијата. Но, додека го бараме излезот од економската криза, тој може да биде средство. Не смееме да си дозволиме да одолговлекуваме - цената е превисока“, коментираше еврокомесарката.
Организацијата што го следи проблемот со корупцијата, Транспаренси интернешанал, смета дека извештајот е „важен прв чекор“. Но, Карл Долан, задолжен за ЕУ во Траснпаренси, смета дека истражувањето можело да појде и подалеку.
„Интересно е дека нема оддел за корупцијата во институциите на ЕУ; влегување на мала врата, лобирање, јавни набавки - сите важни нешта за инситуциите на ЕУ“, наведува Долан.
Транспаренси интернешанал во април ќе објави свој извештај за корупцијата во институциите на ЕУ.
Претставувајќи ги главните наоди на прес-конференција во Брисел, еврокомесарката за домашни работи Сесилија Малмстром кажа дека штетата од корупцијата годишно изнесува преку 120 милијарди евра и дека тоа негативно се одразува на закрепнувањето од економската криза.
„Извештајот јасно покажува дека нивото на корупција варира од една земја-членка до друга, но се одразува на сите. Нема земја каде таа воопшто не е присутна“, рече Малмстром.
Извештајот се базира на претставата за корупцијата и искуството на дел од жителите на ЕУ и тамошните компании. Иако не ги рангира 28-те земји-членки, тој сепак утврдува дека претставата за широкораспространета корупција е најсилна во Грција, Шпанија, Италија и Чешката Република.
Барем еден на секои 12 жители на ЕУ вели дека искусил појава на корупција последниве 12 месеци. 40% од компаниите во ЕУ сметаат дека корупцијата претставува проблем во работењето.
Иако извештајот предлага како земјите да се справат со проблемот, тој не повикува на казни и правни реформи. Па сепак, Малмстром верува дека тој ќе предизвика дискусија и акција меѓу земјите-членки.
„Нормално, потребно е многу повеќе од еден извештај да се искорени корупцијата. Но, додека го бараме излезот од економската криза, тој може да биде средство. Не смееме да си дозволиме да одолговлекуваме - цената е превисока“, коментираше еврокомесарката.
Организацијата што го следи проблемот со корупцијата, Транспаренси интернешанал, смета дека извештајот е „важен прв чекор“. Но, Карл Долан, задолжен за ЕУ во Траснпаренси, смета дека истражувањето можело да појде и подалеку.
„Интересно е дека нема оддел за корупцијата во институциите на ЕУ; влегување на мала врата, лобирање, јавни набавки - сите важни нешта за инситуциите на ЕУ“, наведува Долан.
Транспаренси интернешанал во април ќе објави свој извештај за корупцијата во институциите на ЕУ.