Линкови за пристапност

Трамп најави тужба и за пребројување на наводно нелегални гласови во Невада


Од неговата кампања тврдат дека најмалку 10.000 лица гласале нелегално, а нивните гласови биле пребројани

Претседателот на САД Доналд Трамп поднесе уште една тужба поврзана со пребројување на гласовите кои беа испратени по пошта.

Поранешниот потпретседател Џо Бајден има тесно водство во Невада, каде кампањата на Трамп и Републиканската партија во оваа сојузна држава најавија тужба, тврдејќи дека најмалку 10.000 лица, кои не се тамошни жители, гласале нелегално, и оти нивните гласови биле пребројани.

„Неприфатливо е да се пребројуваат нелегални гласови. Тоа се случува во Невада“, рече поранешниот заменик-директор на разузнавачката служба Ричард Гренел, на прес-конференција во Лас Вегас.

Џои Глорија, кој ги регистрира гласачите во округот Кларк во Невада, ги отфрли обвинувањата.

„Мојот одговор е дека не сме запознаени со никакви несоодветени гласачки ливчиња кои биле процесирани“, рече тој.

Facebook Forum

XS
SM
MD
LG