Резултатот од изборите се` уште неизвесен, продолжува пребројувањето на гласовите во клучните сојузни држави

Победникот на вчерашните претседателски избори во САД сe` уште е неизвесен, бидејќи се чекаат резултатите во неколку сојузни држави каде имаше зголемено рано гласање по пошта.

И претседателот Доналд Трамп, и демократскиот противник Џо Бајден, освоија сојузни држави кои ги очекуваа со цел да обезбедат мнозинство гласови во Изборниот колеџ кој, пак, е одлучувачки за тоа кој ќе биде претседател на државата.

Но, и натаму не е познат резулатот во Северна Каролина, Џорџија и Пенсилванија, како и во Мичиген, Висконсин и Аризона, додека официјалните лица ги пребројуваат милионите гласови кои стигнале на денот на изборите и недели претходно.