Ураганот „Харви“, што се очекува да го погоди крајбрежјето на Тексас во петок навечер или рано во сабота, веќе влијае на економијата. Цените на сировата нафта и бензинот пораснаа заради очекуваното пореметување во резервите, а расте и загриженоста, бидејќи на патот на невремето се наоѓаат домови вредни 40 милијарди долари.
Постои опасност силните ветришта да го прекинат производството и доставата на сирова нафта и продукти од рафинериите.
Нафтените компании веќе го евакуираа персоналот од најранливите објекти во Мексиканскиот залив.
Се очекува и зголемување на морското ниво за околу два метра, што може да загрози 200.000 домови, за чија повторна изградба би била потребна инвестиција од десетици милијарди долари.
Ова е проценка на компанијата CoreLogic, којашто собира и анализира податоци за недвижнини.
Преку половина од загрозените домови се во областа на градот Хјустон.
Facebook Forum