Според Светската здравствена организација, бројот на случаи на ебола во Западна Африка е најверојатно за два пати повисок од официјално пријавените случаи.
Заменикот-генерален директор на СЗО, Брус Ајлвард, вели дека актуелните инфекции можно е да се 1,5 пати повисоки отколку што е соопштено во Гвинеја, двапати повеќе од Сиера Леоне и 2,5 пати повеќе од обелоденетата бројка во Либерија.
За време на прес-конференцијата во Женева, Ајлвард истакна дека официјалниот број на смртни случаи од ебола се зголемил на 4.447, а речиси сите се од Западна Африка, додека бројот на наводни случаи се зголеми на 8.900.
Во меѓувреме, идентификуван е здравствениот работник кој заболел од ебола додека работел како доброволец во Либерија. Суданец по националност, Абдел Фадел Мохамед Бешир починал преку ноќта во болница во Германија.