Поранешните претседатели на САД Барак Обама и Бил Клинтон, му оддадоа почит на конгресменот и борец за човекови права Илајџа Камингс, на денешната комеморативна служба во родниот град Балтимор, пренесе Асошиетед прес.
Клинтон, во неговиот говор, ги истакна ораторските вештини на конгресменот, сеќавајќи се и на неговиот препознатлив длабок глас.
Обама, пак, рече дека кога патот напред изгледа тежок, тогаш гласот на Камингс е потребен најмногу.
Тој додаде дека Камингс бил потсетник дека секој има обврска да ја чува и штити демократијата.
Сопругата на Камингс, според извештајот на Асошиетед прес, рече дека нејзиниот сопруг бил човек со интегритет, потенцирајќи ја неговата длабока љубов кон конгресната работа и кон Балтимор.
„Нашиот Илајџа беше шампион во вистина, правда и љубезност“, додаде поранешната државна секретарка Хилари Клинтон.
Погребот на Камингс собра политичари од Вашингтон и обични луѓе во црквата во Балтимор, во која тој се молеше речиси четири децении, меѓу кои и демократските претседателски кандидати Џо Бајден, Елизабет Ворен, Камала Харис и Ејми Клобучар.
Спикерката на Претставничкиот дом Ненси Пелоси, го нарче Камингс „ѕвезда Северница“, и колега кој секогаш чувал слободно место за другите на маса.
Стотици други граѓани се собраа пред црквата во чест на сеќавање на Камингс.
Facebook Forum