Торнадо уби три лица во Хавана

Во торнадото кое го погоди главниот град на Куба во неделата загинаа три лица, а 172 беа повредени.

Француската новинска агенција АФП соопшти дека торнадото превртело возила, искорнало дрвја а дел од градот останал без електрична енергија.

Спасувачки екипи помогнале во евакуацијата на болница која останала без струја.

Брзината на ветровите била околу 100 километри на час.

Претседателот Мигуел Дијаз-Канел ги посети погодените области на Хавана и на Твитер објави дека „штетата е голема“.