Бројот на нови барања за бенефиции поради невработеност во САД повторно се зголемил минатата недела, објави Одделот за труд.
Одделот рече дека 744.000 работници побарале бенефиции минатата недела, што е повеќе за 16.000 од претходната недела.
Сликата би можела да се подобри како што продолжува да се испраќа помошта до граѓаните и бизнисите за справување со последиците од пандемијата, вредна 1,9 трилиони долари.
Финансиската помош се очекува да ги зголеми потрошувачката и бројот на вработувања, додека милиони Американци сега ги добиваат чековите од 1.400 долари директна владина помош.
Повеќе од три милиони Американци се вакцинираат против ковид-19 секој ден, а претседателот Џо Бајден вети дека сите возрасни лица, кои би сакале да се вакцинираат, ќе можат тоа да го направат од 19-ти април.
Минатиот месец беа додадени нови 916.000 работни места, а стапката на невработеност падна до шест проценти.
Facebook Forum