Белата куќа денес сигнализираше дека е отворена за повеќе преговори со демократите околу помошта за пандемијата, како и оти би сакала да потроши повеќе пари со цел да се постигне договор.
Ова го изјави секретарот за финансии Стивен Мучин за Си-ен-би-си.
„Претседателот е одлучен да потроши онолку колку што треба да потрошиме“, рече тој, додавајќи:
„Мислам дека има можност за компромис, ако демократите сакаат да бидат разумни. Има уште многу работи што треба да ги направиме, и за кои се договоривме“.
Тој одби да шпекулира кога би можеле да продолжат разговорите.
Претседателот Трамп потпиша извршни наредби за продолжување на бенефициите за невработеност на милиони работници, и за стопирање на даночното кратење од платите на многу Американци.
Во нов твит, тој не исклучи натамошни преговори, но, ги обвини лидерот на сенатското малцинство Чак Шумер и спикерката на Претставничкиот дом Ненси Пелоси за пропаѓање на минатонеделните преговори.
Шумер и Пелоси изјавија дека се подготвени да преговараат за пакет од еден трилион долари, за разлика од првичното барање за помош од 3,4 трилиони долари.
Facebook Forum