Линкови за пристапност

Поради Ковид Норвешка забрани кростосување со големи бродови


Virus Outbreak Cruise Ships
Virus Outbreak Cruise Ships

Забраната следи по случајот во кој на брод за крстосување 41 лице беа заразени со коронавирус

Норвешка соопшти дека ќе забрани сите бродови за крстосување кои превезуваат повеќе од 100 лица да застануваат на норвешките пристаништа по случајот во кој на брод со коронавирус беа заразени 41 лице.

Министерот за здравство Бент Хои ја објави забраната во понеделник, велејќи дека новите правила ќе се применуваат во наредните 14 дена. Тој рече дека бродовите кои веќе заминале ќе можат да ги претоваруваат патниците и екипажот во норвешките пристаништа, но дека не можат да се организираат нови патувања.

„Пандемијата не е завршена“, рече Хои на прес-конференција.

Норвешката компанија за крстарења „Хутигрутен“ се извини во понеделникот по заразата која се прошири на еден од нејзините бродови. Од таму рекоа дека компанијата ќе ги прекине своите крстарења до понатамошно известување и дека „сега се во процес на целосен преглед на сите процедури“.

Се работи за една од првите компании што продолжија со пловење за време на пандемијата.

Четворица членови на екипажот биле хоспитализирани во петокот кога бродот пристигнал во Тромсо. Подоцна им била дијагностицирана инфекција заедно со уште 31 член на екипажот. На патниците на бродот им било дозволено да заминат пред некој да биде дијагностициран, по што локалните власти биле испратени да ги лоцираат.

Најмалку пет патници до сега се тестирале позитивно, а на стотици други им било кажано да се изолираат 10 дена.

Facebook Forum

XS
SM
MD
LG