Втор ден пораст на азиските берзи

Тргувањето е во пораст веќе втор ден на азиските берзи бидејќи се зголемува надежта дека смртоносната пандемија на коронавирусот забавува.

Јапонскиот индекс Никеи регистрираше пораст од два проценти, во пресрет на формалното воведување на мерките кои ги објави премиерот Шинзо Абе, а кои вклучуваат и план за економска помош од 990 милијарди американски долари.

Индексот во Хонг Конг порасна за нешто над еден процент, а во Сеул за 1,6 проценти и во Шангај за нешто над два проценти.

Индексот во Австралија беше понизок за три десетини од еден процент.

Добрите показатели на азиските берзи поволно влијаат и на Вол Стрит.

Глобалната економија е во застој, бидејќи властите воведоа строги мерки и карантини за да се запре ширењето на коронавирусот, од кој досега се заболени над 1.300.000 луѓе низ целиот свет, вклучувајќи и скоро 75.000 смртни случаи.

Но, инвеститорите изразуваат претпазлив оптимизам за вестите дека бројот на потврдени инфицирани и смртни случаи во Шпанија и Италија, две од најголемите жаришта на светот за вирусот, во последните денови постојано се намалува, додека дневната бројка на смртни случаи во Њујорк се израмнува, а бројот на нови пациенти со коронавирус полека почна да се намалува.