Линкови за пристапност

САД предупредија на поврзаност на вакцината на „Џонсон и Џонсон“ со ретка невролошка состојба


Според Администрацијата за храна и лекови на САД, 100 лица развиле Гилен-Бареов синдром, при кој имуниот систем ги уништува нервните клетки, предизвикувајќи мускулна слабост и повремена парализа

Администрацијата за храна и лекови на САД излезе со ново предупредување за вакцината против ковид-19 на „Џонсон и Џонсон“ поради поврзаност со ретка невролошка состојба.

Оттаму велат дека добиле прелиминирани извештаи за 100 лица кои развиле Гилен-Бареов синдром по примање на вакцината.

Според Администрацијата за храна и лекови на САД, овој синдром се појавува кога имуниот систем ги уништува нервните клетки, предизвикувајќи мускулна слабост и повремена парализа.

Помеѓу 3.000 и 6.000 луѓе во САД секоја година се дијагностицирани со оваа болест.

Администрацијата за храна и лекови рече дека 100 лица кои примиле вакцина го развиле овој синдром, едно лице починало, а 95 биле хоспитализирани.

Повеќето од случаите биле мажи над 50 години, кои го добиле овој синдром две недели по вакцинирањето.

Ова е мал број случаи од 12,8 милиони луѓе кои ја примиле вакцината на „Џонсон и Џонсон“.

Facebook Forum

XS
SM
MD
LG