Вакцината на „Фајзер-БиоНтек“ делува и против бразилскиот сој на коронавирус

Вакцината на „Фајзер-БиоНтек“ делува против мутацијата на коронавирус неодамна откриена во Бразил, покажаа резултатите од лабораториско истражување.

Научници од „Фајзер“ и Универзитетот на Тексас зеле примероци од крв од лица кои ја примиле вакцината, и ги измешале со направена верзија на мутацијата, по што откриле дека вакцината е речиси исто ефективна против бразилскиот сој, како и против другите, помалку заразни верзии на вирусот од минатата година.

Како што повеќе вакцини против ковид-19 стануваат достапни за генералната јавност, американската авиоиндустрија бара администрацијата на претседателот Џо Бајден да воведе нови стандарди за документите за патување, за да можат патниците да покажат дека биле тестирани и вакцинирани против ковид-19.

Авиокомпаниите бараат од Центрите за контрола и превенција на болести во САД да донесат нови стандарди, кои се надеваат дека евентуално би довеле до продолжување на глобалното патување.