Од коронавирусот повеќе починати одошто од епидемијата САРС

Бројот на жртви од коронавирусот во Кина достигна 908 лица.

Со ова бројот на жртви од коронавирусот го надмина бројот на починати од епидемијата на САРС во периодот од 2002-2003 година, соопштија кинеските власти.

Националната здравствена комисија на Кина во неделата потврди уште 97 смртни случаи заедно со 3.062 нови случаи, што следи по намалувањето на бројот на пријавени случаи во саботата - прв пад за повеќе од една недела.

Од САРС епидемијата, која исто така започна од Кина, починаа 774 луѓе, а ширум светот беа заразени над 8.000 лица.