Кина и САД ги продолжуваат трговските преговори в четврток

Кина потврди дека нејзиниот главен трговски преговарач ќе допатува во САД за нова рунда преговори на крајот на оваа недела.

Ваквата најава уследи и покрај заканите на претседателот Доналд Трамп за повисоки царини на кинески производи во вредност од милијарди долари.

Министерството за трговија соопшти дека разговорите ќе траат два дена меѓу нивниот економски советник и американските претставници, кои ќе се сретнат в четврток во Вашингтон.

Трамп викендов преку објава на Твитер рече дека постои несигурност за иднината на трговските преговори со Кина.

Тој, исто така, рече дека неговата политика за зголемување на царините на кинеските производи е делумно резултат на добрата економска состојба на САД.