Администрацијата на претседателот Доналд Трамп предлага воведување царини на дополнителни кинески производи, вредни 200 милијарди долари, доведувајќи ја до ескалација трговската војна меѓу двете најголеми економии во светот.
Американскиот трговски претставник Роберт Лајтхајзер вчера објави долга листа на производи за кои се предвидуваат можни царини, вклучувајќи чанти, куфери, гуми за автомобили, хемикалии, па дури и риба.
Предложените царини доаѓаат денови откако администрацијата на Трамп воведе царини од 25 проценти за кинески производи, вредни 34 милијарди долари, по кои Пекинг одговори во иста мера.
„Место да зборува за нашата лигитимна загриженост, Кина почна да воведува царини за американските производи. Нема оправдување за таквата постапка“, рече Лајтхајзер.
Но, Кина се заложи да продолжи со возвратни мерки, по предлогот за новите царини.
Кинеското министерство за трговија изјави дека е шокирано од мерките на Вашингтон, и најави да преземе потребни контрамерки да ги заштити интересите на Кина.
Facebook Forum