Кина најави зголемување на царините за американските производи, Трамп рече дека ќе возврати

Кина ќе ги зголеми царините за американски производи вредни 75 милијарди долари, и ќе ги продолжи царините од 25 отсто за американски автомобили, како одговор на најавите на претседателот на САД Доналд Трамп дека од септември ќе ги покачи царините за кинските производи.

Трамп, пак, побара американските компании веднаш да почнат да бараат алтернатива за Кина.

„Нашата држава има изгубено милијарди долари со Кина низ годините. Кина не ни треба и искрено мислам дека ќе биде далеку подобро без неа“, напиша Трамп.

Официјални лица од администрацијата на Трамп велат дека САД и Кина се` уште планираат да ги одржат трговските разговори следниот месец.