Линкови за пристапност

Во Мадрид почна судењето на каталонските сепаратисти


Политички обоеното судење се случува во клучен момент за шпанската влада, бидејќи ако каталонските националистички пратеници го отфрлат буџетот за 2019 година најверојатно ќе следат предвремени општи избори

Дванаесет каталонски сепаратистички лидери беа изведени пред судот во Мадрид во вторникот поради неуспешниот обид за прогласување на независност, кој предизвика големи историски поделби и беше причина за најголемата политичка криза во Шпанија во последните децении.

Опколени од стотици полицајци, про и анти-сепаратистичките демонстранти се собраа пред Врховниот суд, каде обвинетите се соочуваат со обвиненија за побуна и злоупотреба на јавни средства - обвиненија кои тие ги отфрлаат во целост.

Нивните поддржувачи се појавија со транспаренти на кои пишуваше „Слобода за политичките затвореници“, додека помала група на контра-демонстранти протестираа прикажувајќи ја декларацијата за независност од октомври 2017 година како обид за уништување на шпанската држава.

Адвокатот на двајца од обвинетите на судењето рече дека тие имаат право да бараат независност на нивниот регион. „Тоа (самоопределувањето) е синоним за мир, не војна“, рече Андре Ван ден Ајндех.

Политички обоеното судење, кое се очекува да трае најмалку три месеци, се случува во клучен момент за шпанската влада.

Ако каталонските националистички пратеници не го променат своето мислење и го отфрлат буџетот за 2019 година најверојатно ќе следат предвремени општи избори.

Facebook Forum

XS
SM
MD
LG