Ова е Plymouth Superbird од 1970-та година, каков што возел легендарниот возач Ричард Пети, звезда на трките Дејтона, наречен уште и „Кралот“, познат по тоа што освоил седум титули во НАСКАР.
„Plymouth Superbird од 1970-та година е направен со цел Ричард Пети да се врати во тркачкиот тим на Плимунт. Се произведуваше само една година и има автоматик 440. Овој автомобил изложен овде чини од 165.00 до 220.000 долари“, вели Дејвид Ричардс, колекционер на автомобили
Повеќе возила деновиве беа претставени на традиционалното автомобилско шоу насловено „Брзина и стил“ во Александрија, Вирџинија.
Некои од колекционерите се пасионирани љубители на автомобилите кои решиле да остават свој печат надоградувајќи ги тркачките машини за да бидат побрзи и посилни.
„Ова е Форд Роудстер од 1936 година, но значително е модифициран пред 10 години. Има тандербирд мотор и многу дополнителни делови“, вели Ерик Зауснер, сопственик на Форд Роудстер.
Посебна атракција на изложбата беше најновиот модел на Бентли кој чини 260.000 долари.
„Ова е Бентли 2020, многу специјален модел. Луѓето само што добија можност да го видат. Сега се примаат нарачки“, вели претставникот на Бентли, Дејвид Билгар.
Меѓу изложените модели беше и Форд Санлајнер Конвертибл од 1955 година. Јагуар, Ферари, Астон Мартин.. Високите темпратури не ги спречија посетителите да уживаат во разгледувањето на модели кои не се гледаат секој ден.
Изложбата имаше и хуманитарен карактер. Бејлис Ротари клубот организираше наградна игра во која наградата е тркачки Мустанг вреден 50.000 долари.
Автомобилот ќе му биде доделен на среќниот добитник на 29-ти септември.
Facebook Forum