Канада месецов ќе ги прекине воздушните напади против цели на Исламската држава во Ирак и Сирија.
Премиерот Џастин Трудо соопшти дека до 22-ри февруари годинава, ќе ги повлече канадските шест бомбардери, исполнувајќи го ветувањето од минатата година пред да биде избран на функцијата.
Тој истакна дека воздушната кампања предводена од САД е корисна за исполнување на краткорочни цели, но не и за долготрајна стабилност во зафатените области.
Канада ќе продолжи со набљудувачка мисија, а Трудо истакна и дека неговата влада ќе го зголеми бројот на војниците вклучени во обука на курдските борци во северен Ирак, како и тоа дека Канада воено ќе биде присутна во регионот најрано до крајот на март, 2017-та.
Белата куќа соопшти дека Трудо во понеделникот имал телефонски разговор со претседателот Барак Обама, при што било дискутирано за неодамнешните придобивки против Исламската држава во Ирак и Сирија, како и за ургентноста од напорите за спротиставување на оваа организација.