Локализиран пожарот во Калифорнија во кој загинаа над 80 лица

Властите во Северна Калифорнија соопштија дека пожарот, кој избувна пред две недели, а во кој досега 84 лица ги загубија животите, е речиси локализиран.

Уште три лица загинаа во друг пожар во Малибу во Јужна Калифорнија.

563 лица се водат како исчезнати во најсмртоносниот и најдеструктивен пожар во историјата на оваа држава.

Врнежите од дожд во средата и четвртокот ѝм помогнаа на пожарникарите, но ја отежнаа потрагата по човечки останки низ урнатините на околу 13.000 домови уништени од пожарот.