Пожар во Њујорк – 12 мртви

Најмалку 12 лица загинале во еден од најкатастрофалните пожари во резуденцијален дел на Њујорк, последниве децении.

Градоначалникот Бил де Бласио изјави дека меѓу загинатите имало и едногодишно дете.

„Вечерва во Бронкс има семејства кои се распаднати. Ова е најлошата трагедија од пожар што го зафатила овој град изминативе 25 години, според информациите што ги имаме“, истакна Де Бласио.

Пожарникарите, сепак успеале да спасат многу луѓе од зградите.

Се` уште не е позната причината за пожарот, којшто избувна во непосредна близина на светски познатата Зоолошка градина Бронкс.