Борис Џонсон победи на изборите во Британија

Британскиот премиер Борис Џонсон изјави дека гласачите и` довериле на неговата Конзервативна партија моќен мандат за да ја извади Британија надвор од Европската Унија.

Во говор пред неговите поддржувачи, Џонсон нагласи дека Британија ќе излезе од ЕУ до 31 јануари.

Тој, исто така, рече дека Владата треба да ги претставува сите страни на Обединетото Кралство.

Резулатите од гласањето покажаа дека конзервативците на Џонсон добиле најмалку 364 од 650 места во Долниот дом на Парламентот, обезбедувајќи владино мнозинство.

Лидерот на британската опозиција Џереми Корбин, изјави дека ќе се повлече од функцијата лидер на партијата, по големиот пораз на изборите.