Линкови за пристапност

Етиопиец победник на Бостонскиот маратон


Лелиса Десиса од Етиопија победи на 117-от Бостонски маратон и ја освои титулата за мажи, со време од два часа, 10 минути и 22 секунди.

Десиса пристигна на целта пет секунди пред Кениецот Мајка Кого, заработувајќи 150.000 долари и традиционален венец од маслинови гранки. Гебрегзиабер Гебремариам од Етиопија беше трет.

Десиса ја прекина тригодишната серија на победи на мажи од Кенија на овој настан.

Но Рита Јепту победи во женската трка, со два часа, 26 минути и 25 секунди и ова е втора нејзина победа на Маратонот на Бостон.

Околу 25.000 маратонци, вклучувајќи и натпреварувачи во инвалидска количка, учествуваа во трката во североисточната американска сојузна држава Масачусетс.
XS
SM
MD
LG