Босна официјално поднесе барање за членство во Европската унија.
Претседателот Драган Цовиќ ги поднесе документите за влез во европскиот блок од дваесет и осум земји во понеделникот, во Брисел, на холандскиот министер за надворешни работи, Берт Коендерс.
Босна имаше обид за влез во ЕУ во 2000-та година, но, големите несогласувања со српската, хрватската и муслиманската заедница, пропратена со крвавиот распад на Југославија, ги блокираше потребните реформи.
Цовиќ изјави: ”Задоволството е големо да се има можност да се поднесе ова барање од името на луѓето во Босна и Херцеговина....Хрватите, Србите и Босанците“
Коендерс, чија земја во моментот е претседавач на ЕУ, вели дека ЕУ со задоволство ја гледа „Босна назад на патот на реформите“.
Шефот за надворепни работи на ЕУ, Федерика Могерини и комесарот за проширување на ЕУ, Јоханес Хан, во соопштение изјавија „Денес славиме уште еден чекор напред кон сплотен и мирољубив континент“. Тие изјавија дека барањето за влез во ЕУ на Босна „покажува дека потребата од обединет европски континент се' уште е силна помеѓу луѓето“.