Навалица од купувачи за „црниот петок“ во САД

Американските купувачи навалија во продавниците за снижувања на „црниот петок“ откако чекаа пред вратите со часови, а во некои случаи и со денови, за добрите зделки на овој ден на кој се гледа како на почеток на празничната сезона за шопинг.

Многу продавници ги отворија вратите пред зори во петок, а некои дури и порано, во четвртокот навечер, кога Американците го празнуваа Денот на благодарноста.

Црн петок е денот по празникот за благодарноста, кога трговците се надеваат дека ќе влезат во црно салдо, што ќе рече, се надеваат на профит и излегување од „црвено“.