Линкови за пристапност

Назначен специјален преставник за Северна Кореја


Заменик-претседателот на автомобилската компанија Форд, Стивен Биган, ќе биде новиот специјален претставник за Северна Кореја

Американскиот државен секретар Мајк Помпео го назначи заменик-претседателот на автомобилската компанија Форд, Стивен Биган, за специјален претставник за Северна Кореја.

Извршниот и поранешен вработен во националната безбедност ќе се приклучи кон администрацијата на Трамп, во време на интензивен фокус на напорите на САД да ја принудат Северна Кореја да ја прекине програмата за нуклеарно оружје.

„Ова е одличен момент Бигaн да се приклучи на тимот“, изјави Помпео. „Јас и тој заедно ќе отпатуваме во Северна Кореја следната недела за да направиме понатамошен дипломатски напредок кон нашата цел“, додаде тој.

Во Форд, Бигaн е задолжен за надгледување на меѓународните односи на производителот на автомобили. Тој, исто така, се очекува да донесе големо владино искуство, со назначувањето на Националниот совет за безбедност за време на администрацијата на Џорџ Буш. Пред да се приклучи на Белата куќа, тој служеше 14 години како советник за надворешна политика како на Претставничкиот дом така и на американскиот Сенат.

Во забелешките во Стејт департментот во четвртокот наутро, Стивен Биган рече: „Проблемите се тешки и нема да биде лесно. Но, претседателот на САД создаде услови за отворање на ова прашање и треба да се искористи секоја можност за остварување на визијата за мирна иднина на луѓето од Северна Кореја.“

Facebook Forum

XS
SM
MD
LG