Линкови за пристапност

Бајден топло примен во Националната асоцијација на обоените луѓе


Најстарата организација за граѓански права во земјата со ентузијам го пречека потпретседателот

Американскиот потпретседател Џо Бајден го фалеше законот за здравствена заштита на претседателот Барак Обама во обраќање пред групата за граѓански права, еден ден откако собирот негодуваше кога републиканскиот претседателски кандидат Мит Ромни вети дека ќе ги укине реформите.

Бајден зборуваше на конвенцијата на Националната асоцијација за напредок на обоените луѓе во Хјустон, Тексас, во четврток:

„Тој (Претседателот Обама) скрати сто милијарди долари од федералниот долг за наредните десет години, обезбедувајќи пристап до здравствена грижа за 30 милиони Американци, кој никогаш не би имале осигурување.“

Публиката на конвенцијата со извици на одобрување го поздрави Бајден кога тој ги набележа разликите меѓу Обама и Ромни за здравствената заштита, образованието, енергијата и правата на жените. Домашната политика на Ромни тој ја нарече „враќање на (19)50-те.“

Претседателот Обама исто така се обрати на насобраните преку видео снимка во четвртокот. Тој беше критикуван за испраќање на потпретседателот наместо самиот да присуствува.

Републиканскиот кандидат Ромни доби млак прием во средата кога зборуваше пред истиот собир.

Ромни го искористи својот говор да ја нагласи невработеноста меѓу афро-Американците од 14,4 проценти, наспроти националната стапка од 8,2 проценти. Бајден не ја спомена стапката на невработеност.

Потпретседателот се заблагодари на членовите на асоцијацијата за нивната „лојалност“. Африканските Американци во големо мнозинство гласаа за Обама, демократ и прв црн претседател на државата, на изборите во 2008-ма.
XS
SM
MD
LG