Линкови за пристапност

Џеф Безос тврди дека бил уценуван со интимни фотографии


Најбогатиот човек на светот, сопственикот и извршен директор на Амазон - Џеф Безос, го обвини издавачот на таблоидот Нејшнл Енквајарер за уцена и изнудување поради закана дека ќе објават интимни фотографии и лични пораки испратени до жената со која имал афера.

Издавачите на таблоидот, „Американ медиа“, барале Безос да прекине со истрагата за тоа како до нив стигнале интимните пораки и фотографии.

Таблоидот барал Безос да каже дека написот на Енквајарер од минатиот месец за неговата вонбрачна афера не бил политички мотивиран.

Безос, исто така, е сопственик на весникот „Вашингтон пост“ кој е критички настроен кон американскиот претседател Доналд Трамп. Сопственикот на „Американ медиа“, Дејвид Пекер, е долгогодишен пријател на Трамп.

Безос претходно рече дека тој и неговата сопруга минатиот месец се договориле да се разведат.

До сега нема јавно соопштение од страна на „Американ медиа“ како одговор на обвинението на Безос за уцена.

Facebook Forum

XS
SM
MD
LG