Претседателот Џо Бајден им рече на новинарите доцна вчера дека е добар, неколку часа откако беше тестиран позитивен на ковид-19.
Белата куќа го објави ова, веднаш откако тој ненадејно го откажа говорот во Лас Вегас каде што планираше да им се обрати на латиноамериканските гласачи.
81-годишниот претседател беше позитивен на тестот по неговиот прв настан во Лас Вегас во средата и има „благи симптоми“, рече во соопштението портпаролката на Белата куќа Карин Жан-Пјер.
Таа додаде дека тој е вакциниран против вирусот и ќе се врати во својот дом во Делавер, каде ќе биде во изолација.
„Белата куќа ќе обезбедува редовни ажурирања за статусот на претседателот додека тој продолжува да ги извршува целосните должности како претседател додека е во изолација“, рече таа.
Веста прв ја објави претседателот на UnidosUS, најголемата непрофитна организација за Латионамерикаците во државата.
„За жал, штотуку разговарав со претседателот Бајден“, рече претседателката Џенет Мургуа пред толпата.
„И тој го сподели своето длабоко разочарување што не може да ни се придружи попладнево. Претседателот беше на многу настани како што сите знаеме, а тој штотуку беше позитивен на ковид. Значи, се разбира, разбираме дека тој треба да ги преземе мерките на претпазливост што му беа препорачани и очигледно не сакаше да стави никого во ризик“.
Пораката од докторот на Бајден следеше по изјавата на Жан-Пјер, додавајќи дека респираторниот ритам, температурата и нивото на кислород во крвта на Бајден се нормални и дека тој добил третман.
Лекарот, чие име не е наведено во изјавата, рече дека Бајден покажал симптоми како течење на носот, кашлица и општа малаксаност.
Претседателот ја примил првата доза Паксловид, се вели во соопштението.
Дијагнозата дојде истиот ден со најновиот повик од член на Демократската партија, Бајден да се откаже од својата кандидатура за реизбор.
Конгресменот Адам Шиф во изјавата предупреди дека победата на противникот на Бајден, поранешниот претседател Доналд Трамп, „ќе го поткопа самиот темел на нашата демократија“ и оти Шиф има „сериозна загриженост“ за тоа дали Бајден може да победи во ноември.
„Иако изборот да се повлече од кампањата е само на претседателот Бајден, верувам дека е време тој да ги предаде надлежностите на друг“, рече Шиф.
„И со тоа, обезбедете го неговото наследство на лидерство дозволувајќи ни да го победиме Доналд Трамп на претстојните избори“.
