Во пожарите во Австралија изгореа над 950 домови

Пожарникарите во австралиската сојузна држава Нов Јужен Велс настојуваат да го ограничат ширењето на пожарите.

Околу 1.300 пожарникари интервенираат на терен, додека 70 пожари со кои се зафатени нискостеблести локации продолжуваат да горат во Нов Јужен Велс

Околу 5 милиони хектари се опожарени во целата држава во текот на изминатите неколку месеци, при што девет лица загинаа и повеќе од 950 домови се уништени.

Најголеми штети се регистрирани во Нов Јужен Велс каде се опожарени околу 850 домови.