Американската државна секретарка Хилари Клинтон е во Москва на разговори со руските лидери за новата спогодба за намалување на нуклеарните арсенали на двете сили.
Клинтон пристигна во Москва рано во четврток пред средбите со рускиот колега Сергеј Лавров и со претседателот Дмитри Медведев.
Руски и американски официјални лица речиси една година преговараа за нов договор, што ќе го замени Договорот за намалување на стратешкото оружје од 1991-ва, познат како СТАРТ, чија важност истече минатиот во декември.
Американскиот претседател Барак Обама и неговиот колега Медведев лани се договорија со нов договор натамошно да ги намалат резервите на нуклеарно оружје.
Рускиот министер за надворешни работи Лавров вели дека останува на преговарачите да комплетираат „техничката работа“ на нацртот на документот и дека очекува договорот да биде финализиран допочетокот од април.