Федералниот апелационен суд нареди да запре кривичното гонење на поранешниот советник за национална безбедност на претседателот Доналд Трамп, Мајкл Флин, пренесува Асошиетед прес.
Американскиот апелационен суд за Дистриктот Колумбија во пресудата истакна дека одлуката на Одделот за правда да го напушти случајот против Флин го решава прашањето, иако Флин се изјасни за виновен за лажење на обвинителите во истрагата на специјалниот советник Роберт Мулер за руското мешање во изборите во САД во 2016 година.
Американскиот окружен судија Емет Саливан одби веднаш да го распушти случајот, барајќи наместо тоа тој сам да го оцени необичното барање на одделот за откажување од кривично гонење.
Facebook Forum