Неделава во Катар се одржаа два последователни состанока за да се притиснат завојуваните страни во Авганистан да ги продолжат мировните преговори и да постигнат договор пред конфликтот да излезе од контрола.
Дипломатскиот напор доаѓа во време на драматични напади од бунтовниците на Талибан дури и додека САД продолжуваат да изведуваат воздушни напади во поддршка на авганистанските воени сили.
Состаноците уследија и по минатонеделното предупредување од страна на Обединетите нации дека „војната во Авганистан влегла во нова, посмртоносна и подеструктивна фаза“.
Специјалниот претставник на САД во Авганистан, заедно со колегите од Русија, Кина и Пакистан, в среда ќе имаат дипломатска средба во главниот град на Катар, Доха, изјавија дипломатски извори за Гласот на Америка.
Нападите на Талибан ги зголемија можностите за враќање на исламистичката група на власт во Авганистан.
Facebook Forum