Линкови за пристапност

ОПЕК размислува за намалување на производствените квоти  - 2003-12-03


Чекорот се презема за да се избегне намалување на цената на нафтата идната година. Министрите од 11-те земји на ОПЕК ќе се состанат утре за да одлучат дали квотите за производство на картелот од 24,5 милиони барели на ден треба да се прилагодат.

Нафтените аналитичари велат дека ОПЕК може да одлучи овие намалувања да стапат на сила во февруари. Алтернативата, според нив, е ОПЕК да ја одложи оваа одлука и повторно да ја преиспита својата политика на специјален состанок во јануари.

Министрите од Иран, Обединетите Арапски емирати и Индонезија по нивното пристигнување на средбата во Виена изјавија дека квотите треба да останат непроменети.

Во септември ОПЕК донесе ненадејна одлука да го намали квотите за 3,5 проценти, како реакција на растечките количества од Ирак и Русија.

Ирак минатиот месец извезе само 1,6 милиони барели нафта дневно од извозниот терминал во Заливот Басра на југ на земјата. Се планира зголемување на производството на јужните нафтени полиња, но саботажите го одложуваат отворањето на извозниот нафтовод на север.

Русија, која не е членка на ОПЕК, произведува 8,6 милиони барели на ден, што е повеќе од главниот производител на ОПЕК, Саудиска Арабија.

Нафтениот картел е загрижен дека Русија нема да се примени намалување на производството и дека цените ќе паднат идната година заради презаситување на пазарот со нафта.

Генералниот секретар на ОПЕК, Алваро Силва-Калдерон вели дека соработката со земји кои не се членки на ОПЕК, како Русија, е од витално значење.

XS
SM
MD
LG