Американскиот Сенат вчера попладне со конечно гласање го одобри барањето на претседателот Буш за буџетски пакет од 87 милијарди долари наменет за Ирак и Авганистан. Нацрт-законот сега ќе му биде предаден на претседателот на потпишување.
Одобрувањето на овој нацрт-закон никогаш не се доведуваше во прашање. Дури и критичарите на политиката на администрацијата на Буш за Ирак, вклучувајќи ги и демократскиот сенатор Дик Дурбин од Илиноис, се согласуваат дека САД немаат друга опција, освен да останат на актуелниот курс во Ирак.
„Ние имаме целосно разбирање дека не можеме да прекинеме и да си заминеме“, рече г-динот Дурбин.
Со оваа мерка претседателот Буш добива речиси се што побара: 65 милијарди долари за поддршка на трупите во Ирак и Авганистан и 18,6 милијарди долари за обнова на Авганистан.
Претставничкиот дом го одобри нацрт- законот минатата недела.