Наградата Греми за снимка на годината се базира на изведбата и се доделува на пејачот и на продуцентот. Контроверзниот рапер и актер Еминем се наоѓа во оваа конкуренција со својата ода за суетата "Without Me". Претставниците на рап, ритам и блуз правецот Nelly и Kelly Rowland во оваа категорија се номинирани за дует-изведбата на "Dilemma", песна што се наоѓа на најновиот албум на Nelly -"Nellyville". Кели ја сними музиката во паузирањето од настапите во групата Destiny's Child. Во оваа категорија се натпреваруваат и канадскиот алтернативен бенд Nickelback со нумерата "How You Remind Me", која од списанието Билборд е прогласена за најизведувана песна во 2002 година, потоа џез и блуз пејачката Нора Џонс со "Don't Know Why", и младата пејачка Vanessa Carlton со "A Thousand Miles."
Греми за песна на годината се доделува на композиторот. Avril Lavigne, Norah Jones и Vanessa Carlton се претставнички на новиот бран млади пејачки и композиторки. Avril Lavigne Конкурира со песната "Complicated", додека Norah Jones и Vanessa Carlton се номинирани за "Don't Know Why" и "Complicated". На трите дами во оваа категорија ќе им се придружи ветеранот Bruce Springsteen со "The Rising."
Bruce Springsteen е конкурент за Греми и за Албум на годината со "The Rising" - негова збирка песни инспирирани од терористичките напади на 11 септември. Norah Jones, ќерка на индискиот музичар Ravi Shankar, претставува сериозен конкурент со нејзиниот деби албум "Come Away With Me", мешавина на поп, џез и блуз, со минимална музичка придружба. Листата на номинирани во оваа категорија се дополнува Eminem со "Eminem Show" и Nelly со "Nellyville." Ова е првпат двајца претставници на хип-хопот да се натпреваруваат за Греми за Алум на годината. Ним им се приклучуваат и Dixie Chicks со албумот "Home."
Kатегоријата Најдобар млад музичар обединува музичари од различни правци. Тука рамо до рамо се Avril Lavigne и Norah Jones со продадени милиони примероци од своите музички дела, како и успешната Michelle Branch. Исто така, голем конкурент за Греми за најдобар млад музичар е и рок и блуз композиторката Ashanti, која веќе освои две Американски музички награди и осум награди на Билборд. Единственото машко во оваа категорија е пејачот и композитор од Атланта John Mayer, кој годинава направи пробив со албумот "Room For Squares" и со неговиот прв хит сингл "No Such Thing."
Покрај овие четири главни категории за снимка, песна и албум на годината и за најдобар млад музичар, овогодишните 45-ти по ред Греми награди на 23 февруари ќе бидат доделени во вкупно 104 категории.