Линкови за пристапност

На 99 години, нема намера да се пензионира!


На 99 години, нема намера да се пензионира!
На 99 години, нема намера да се пензионира!

Гинисовата книга на рекорди вели дека овој 99-годишниот Антонио Мансинели е најстариот бербер на светот.Пострижува коса уште од 12-години.


Ја открива тајната:без цигари, без пиење, без прекумерно јадење, вредна работа и – муабет со муштериите.

„Ги потстрижувам со години и сакам да продолжам.Не ни помислувам да се пензионирам – ќе продолжам до крај“, најавува Мансинели.

Сега за потстрижување наплаќа по 12 долари.Кога ја започнал кариерата 1920-те – по 25 центи.Берберите тогаш се грижеле и за други нешта освен за косата.

„Користев пијавици.Доаѓаа муштерии со висок крвен притисок, ќе им ставев пијавици за да одземат дел од крвта и велеа дека се чувствуваат подобро“, раскажува Мансинели.

Горел брадавици со вжештени игли, лечел болка со лепење топли чашки на кожата.Сега само потстрижува, но муштериите велат дека е најдобар во околината.Велат - одличен бербер кој не користи машинка, само ножици.

Муштериите се причина Мансинели да не запре.

„Дојде еден човек и ми вели:Антонио, можеби не се сеќаваш на мене, ми ја потстрижуваше косата кога бев детенце“, вели тој со насмевка на лицето и оптимизам што веднаш освојува.

Најстариот бербер на светот надживеал многу муштерии.40 години работел седум дена во неделата, а се` уште може да потстриже по 25 муштерии на ден, затоа што – нема намера да запре.

XS
SM
MD
LG