Линкови за пристапност

Бајден: Израелскиот план за населби во источен Ерусалим ја „поткопува“ довербата на Палестинците


Бајден: Израелскиот план за населби во источен Ерусалим ја „поткопува“ довербата на Палестинците
Бајден: Израелскиот план за населби во источен Ерусалим ја „поткопува“ довербата на Палестинците

Американскиот потпретседател Џо Бајден вели дека израелскиот план за изградба на нови станбени единици во спорниот источен Ерусалим „ја поткопува" вербата потребна за рестартирање на израелско-палестинските мировни разговори.

Бајден зборуваше во среда покрај палестинскиот претседател Махмуд Абас откако двајцата имаа разговори во Рамала во окупираниот Западен брег. Потпретседателот ги поттикна двете страни да изградат „атмосфера на поддршка" за преговорите, а не „да ги комплицираат".

Порано, палестинскиот премиер Салам Фајад му кажа на Бајден дека израелскиот план за домување „им наштетува" на американските напори за рестартирање на мировните разговори.

Планот одобрен во вторникот од израелското Министерство за внатрешни работи предвидува 1.600 нови станови во Рамат Шломо, ултра-православна еврејска заедница изградена на земјиште што Израел го окупирал во војната на Блискиот исток од 1967. Палестинците го сакаат источниот сектор на градот за главен град на нивната идна држава. Израелскиот Министер за внатрешни работи во среда се извини за тајмингот на соопштението велејќи дека тоа го посрамотило Бајден, кој е на своето прво патување во Израел од преземањето на функцијата. Но израелскиот премиер Бенџамин Нетанјаху не презеде чекори да ја преиначи одлуката.

XS
SM
MD
LG