Демилитаризацијата на Европа ја ограничува способноста на НАТО да води војни, меѓу кои и онаа во Авганистан, смета американскиот секретар за одбрана Роберт Гејтс.
Гејтс вторникот во Вашингтон кажа дека има премалку хеликоптери и товарни авиони на НАТО во Авганистан. Според првиот човек на американската одбрана, демилитаризацијата на Европа од „благослов“ во 20-от век станала „пречка“ за постигнување на „вистинска сигурност и траен мир“ во 21-от век. Тој смета дека реалните или пак претпоставени слабости може да ги намамат потенцијалните противници да станат поагресивни.
Гејтс говореше на Националниот одбранбен универзитет, каде се одржува собир на цивилни и армиски претставници на земјите членки на НАТО, посветен на иднината на Сојузот.
Пентагон: демилитаризацијата на Европа го ограничува НАТО
