Американски претставник се сретна со сирискиот претседател за подобрување на односите

Еден од највисоките по ранг американски претставници што ја посетил Сирија изминативе години имаше разговори во среда, еден ден откако Вашингтон го номинираше првиот амбасадор во земјата од 2005 наваму.

Американскиот потсекретар Вилијам Брнс кажа дека тој и сирискиот претседател Башар ал-Асад имале добра средба во Дамаск. Брнс кажа дека тие дискутирале за области на несогласување како и за тоа во што се сложуваат.

Вчера Белата куќа го именува долгогодишниот американски дипломат Роберт Форд за амбасадор во Сирија. Форд течно зборува арапски и во моментов служи како заменик амбасадор во Ирак.

Брнс назначувањето го нарече „јасен знак" за подготвеноста на Америка да ги подобри односите и да се впушти во потрага по сеопфатен мир меѓу Арапите и Израелците.