Романија се согласи да постави американски ракетни пресретнувачи на своја територија во рамки на ревидираниот план на Вашингтон за протиракетен штит во Европа.
Романскиот претседател Трајан Башеску четвртокот изјави дека Врховниот одбранбен совет на земјата го одобрил планот за пресретнувачи земја-воздух.
Русија е енергично пртотив американскиот план - премиерот Владимит Путин го нарече главна пречка во постигнувањето на нов договор со САД за контрола на вооружувањето.
Башеску, пак, четвртокот го рефлектираше американскиот став дека системот не е насочен кон Русија, туку за заштита на САД и сојузниците од евентуален ракетен напад од Иран.
За да стане реалност, распоредувањето на пресретнувачи треба најпрвин да биде одобрено од страна на романскиот парламент. Не се очекува планот да стане оперативен пред 2015-та.
Романија прифати американски ракетни пресретнувачи
