Линкови за пристапност

САД го поддржуваат авганистанскиот план за реинтегрирање на Талебан

update

САД го поддржуваат планот на Авганистан за дозволување на талебанските борци кои ќе го положат оружјето да бидат реинтегрирани во општеството.

Специјалниот претставник на САД Ричард Холбрук изрази поддршка за планот во предвечерјето на меѓународната донаторска конференција за Авганистан во Лондон.

Авганистанскиот претседател Хамид Карзаи се очекува да ги открие деталите за „реинтеграцијата" на конференцијата.

На брифинг за новинарите во среда Холбрук кажа дека членови на Талебан кои повторно ќе се приклучат на авганистанското општество ќе треба да го положат оружјето и да се одрекнат од врските со ал-Каида. Американскиот пратеник вели дека други „неприфатливи" талебански ставови ќе бидат дискутирани, а меѓу нив и третманот на жените од страна на групата.

Министрите од повеќе од 60 држави се очекуваат во Лондон за разговори кои ќе се однесуваат на стабилизирање на Авганистан.

Карзаи вели дека Авганистан сака постепено да го намалува товарот што го носат меѓународните партнери.

XS
SM
MD
LG