Американскиот секретар за одбрана Роберт Гејтс вторникот повика на поблиска армиска соработка со Индија во обид да се донесе стабилност во Јужна Азија.
Посетата на Гејтс на Њу Делхи е прва средба на високо ниво по посетата на индискиот премиер Манмохан Синг на Белата куќа во ноември. Гејтс во наредните два дена ќе се сретне со премиерот Синг и министрите за надворешни работи и одбрана.
Во коментар објавен во денешното издание на „Тајмс оф Индија“ Гејтс подвлекува дека Индија и САД треба да се заложат за уште поголема соработка во спротиставувањето на новите безбедносни закани. Мирот и безбедноста во Јужна Азија се клучни не само за регионот, туку и за целата меѓународна заедница, пишува Гејтс.