Линкови за пристапност

САД ќе поведат нова рунда мировни разговори за Блискиот исток


Специјалниот американски пратеник за Блискиот исток Џорџ Мичел, во време кога Вашингтон почнува нова рунда разговори на високо ниво за заживување на мировниот процес, вели дека преговорите меѓу Израел и Палестинците треба да донесат договор за „не подолго од две години “.

Портпаролот на Стејт департментот Пи-Џеј Кроли рече дека државната секретарка Хилари Клинтон се среќава со колеги од Јордан и Египет во Вашингтон за покренување на процесот. Во разговорите ќе учествува и Мичел.

Потоа Мичел ќе замине за Европа и Блискиот исток и ќе работи на поставување услови и обезбедување на меѓународен притисок зад преговорите.

САД се очекува да притиснат за разговори базирани на границите од 1967-ма, во исто време дозволувајќи му на Израел да присвои некои населби во Западниот брег.

Израелско-палестинските мировни преговори се во застој изминатите месеци, особено поради проблемот со израелските населби на Западниот брег.

Таканаречениот меѓународен Квартет го повика Израел да престане со изградба на доселенички населби, а палестинските лидери ги повика да се борат против насилниот екстремизам.

XS
SM
MD
LG