Светската здравствена организација вели дека вирусот Ха-1-Ен-1, познат како свински грип, станал доминантен вирус во светот.
Специјалниот советник во СЗО, д-р Кејџи Фукуда изјави дека изминативе неколку месеци вирусот Ха-1-Ен-1 е особено активен во Северната Хемисфера и додаде дека очекува трендот да продолжи и во престојниот зимски период, со зголемување на бројот на сериозни заболувања, дури и смртни случаи.
Фукуда вели дека вакцината против вирусот која во моментов се користи во околу 20 земји ширум светот и натаму е ефикасна и безбедна. Претставникот на СЗО кажа и дека досега од неа, не се регистрирани ретки или опасни контраиндикации.