Џенерал Моторс се повлече од зделката за продажба на Опел

Американскиот авто-гигант Џенерал Моторс се повлече од планираната продажба на најголем дел од акциите во својата германска единица, Опел, што западна во тешкотии, на канадско-руска групација.

Директорите на ЏМ кажаа дека го промениле курсот заради подобрените бизнис услови за компанијата со седиште во САД во последните неколку месеци.

Германските политичари и трудови синдикати силно ја критикуваа одлуката на ЏМ.

Германската влада ја поддржа понудата од канадскиот производител на авто-делови Магна и руската државна банка Сбербанк како начин да се зачуваат германските работни места во Опел.

Германскиот министер за економија Раинер Брундерле однесувањето на ЏМ го нарече неприфатливо, а германските работнички синдикати планираат протести за четврток.
ЏМ кажа дека ќе го отплати заемот од 2,2 билиони долари што германската влада го даде на компанијата како поддршка за канадско-руската понуда.