Линкови за пристапност

Во Багдад убиени 155 лица, 500 повредени 


Ирачките власти велат дека од двете силни експлозии на автомобили бомби во централен Багдад во неделата, загинаа 155 лица, а преку 500 се повредени.

Речиси истовремено изведените напади, се случиле во таканаречената „Зелена зона“, а се чини дека целта биле општинската владина зграда и Министерството за правда.

На местото на настанот биле видливи остатоци од човечки тела, а од експлозиите е причинета и огромна материјална штета.

Ирачкиот премиер изјави дека целта на нападите била да креираат нестабилност и да го спречат Ирак да ги одржи планираните избори во јануари. Канцеларијата на Нури ал-Малики за инцидентот ги обвини припадниците на Ал Каида и на Баатистичката партија, иако засега никој не ја презел одговорноста за нападот.

Лидерите на САД, ОН и НАТО ги осудија нападите како бесчувствителни акти на насилство.

XS
SM
MD
LG